mama

1

[ma:ma]

1) Ejeňiň ejesi.

∙ Gyzlaryň mamasy, Akgözel ejäniň ejesi Artykgül eje-de öz gyzynyň aýdanyny makullady. (N. Pomma, Taýlak hyzzyn)

∙ Ejesi keselläninde, mamasy bu dermanhana derman almak üçin gelerdi. («Pioner» žurnaly)

∙ Mamam bilen çykyp tamyň üstüne, Gurt serdik, ak kagyz düşäp astyna. («Sowet edebiýaty» žurnaly)

2) Garry aýallara ýüz tutulyp aýdylýan söz.

2

[ma:ma]

Medisina Bedeniňe iriňli düwürtik örmek bilen ýüze çykýan agyry, ýokançly kesel.

∙ Italmaz aga, seniň munyň gyzamyk-da däl, mama hem däl. (N. Pomma, Taýlak hyzzyn)

∙ Häzirki wagtda garahassalyk, mergi, mama keselleriniň soňuna çykyldy. («Mydam Taýýar» gazeti)

∙ Güne ýanan ýüzünde mamanyň yzy mese-mälim bolup duran bu adam köpi gören, özüni her ýerde tertipli saklap bilýän adama meňzeýärdi. (B. Seýtäkow, Moskwanyň Ýalkymy)

◊ mama dişän — Ýüzde, bedende mama keseliniň yzy galan, gotur (adam hakynda).

∙ Bu iki keýwanynyň biriniň tegelek mama dişän agras ýüzi bardy. (A. Gowşudow, Köpetdagyň eteginde)

∙ Onuň mama dişän ýüzüne ynjy alamaty gelip gondy. (B. Kerbabaýew, Aýgytly ädim)